Eze 26 | Ndebele | STEP | Kwasekusithi ngomnyaka wetshumi lanye, ngolokuqala lwenyanga, ilizwi leN kosi lafika kimi, lisithi:

1 Kwasekusithi ngomnyaka wetshumi lanye, ngolokuqala lwenyanga, ilizwi leNkosi lafika kimi, lisithi: 2 Ndodana yomuntu, ngenxa yokuthi iTire itshilo ngeJerusalema ^a isithi: Aha, yephukile ebingamasango abantu; isiphendukele kimi; ngizagcwaliswa, ichithekile ^b. 3 Ngakho itsho njalo iNkosi uJehova: Khangela, ngimelane lawe, wena Tire, ngenze izizwe ezinengi zenyuke zimelane lawe ^c, njengolwandle lusenza amagagasi alo enyuke ^d. 4 Njalo zizachitha imiduli yeTire, zibhidlizele phansi imiphotshongo yayo; ngiphale inhlabathi yayo kuyo, ngiyenze ^e ibe lidwala elize ^f. 5 Izakuba yindawo yokuchayela amambule ^g, phakathi kolwandle ^h; ngoba mina ngikhulumile, itsho iNkosi uJehova ⁱ; njalo izakuba yimpango yezizwe ^j. 6 Lamadodakazi ayo asensimini azabulawa ngenkemba ^k. Njalo bazakwazi ukuthi ngiyiNkosi ^l.

7 Ngoba itsho njalo iNkosi uJehova: Khangela, ngizaletha phezu kweTire uNebhukadirezari inkosi yeBhabhiloni ^m, inkosi yamakhosi ⁿ, evela enyakatho, elamabhiza, lezinqola, labagadi bamabhiza, lamaxuku, labantu abanengi ^o. 8 Uzabulala ngenkemba amadodakazi akho ensimini ^p, enze umduli wokuvimbezela emelene lawe ^q, abuthelele idundulu emelene lawe ^{r
,} ^s, aphakamise isihlangu esikhulu simelene lawe ^t. 9 Uzamisa imigqala yokudiliza imelane lemiduli yakho, adilizele phansi imiphotshongo yakho ngezinkemba zakhe. 10 Ngenxa yobunengi bamabhiza akhe uthuli lwawo luzakusibekela; imiduli yakho izanyikinywa ngumsindo wabagadi bamabhiza lamavili lezinqola, nxa ezangena emasangweni akho, njengokungena emzini ofohlelwayo ^u. 11 Ngamasondo amabhiza akhe uzanyathela zonke izitalada zakho; uzabulala abantu bakho ngenkemba, lensika zakho eziqinileyo ziwele emhlabathini. 12 Njalo bazaphanga inotho yakho ^v, bathumbe ^w impahla yakho ethengiswayo ^x, badilizele phansi imiduli yakho, babhidlize izindlu zakho eziloyisekayo, bafake amatshe akho lezigodo zakho lothuli lwakho phakathi kwamanzi ^y. 13 Ngizakwenza kuphele umsindo wengoma zakho ^z, lelizwi lamachacho akho kalisayikuzwakala ^aa. 14 Njalo ngizakwenza ube lidwala elize ^ab; uzakuba yindawo yokuchayela amambule ^ac, kawusayikwakhiwa; ngoba mina Nkosi ngikhulumile, itsho iNkosi uJehova ^ad.

15 Itsho njalo iNkosi uJehova kuyo iTire: Izihlenge kaziyikunyikinyeka yini ngomdumo wokuwa kwakho ^ae, lapho abalimeleyo bebubula, lapho kubulawa okubulawayo phakathi kwakho ^af? 16 Khona zonke iziphathamandla zolwandle ^ag zizakwehla ezihlalweni zazo zobukhosi ^ah, zikhulule izigqoko zazo ^ai, zikhuphe izembatho zazo ezifekethisiweyo ^aj; zizembathise ukuthuthumela, zihlale emhlabathini ^{ak
,} ^al, zithuthumele ^am ngaso sonke isikhathi ^an, zimangale kakhulu ngawe ^ao. 17 Zizakuphakamisela isililo ^ap, zithi kuwe: Uchithwe njani ezinlwandle wena owawuhlalwa, umuzi olodumo, owawulamandla olwandle ^aq, wona labahlali bawo, abamisa ukwesabeka kwabo kuye wonke umhlali wawo ^ar! 18 Khathesi izihlenge zizathuthumela ^as ngosuku lokuwa kwakho, yebo, izihlenge eziselwandle zizakhathazeka ngokuphuma kwakho ^at. 19 Ngoba itsho njalo iNkosi uJehova: Lapho ngizakwenza ube ngumuzi olunxiwa, njengemizi engahlalwayo; lapho ngizakwenyusa ukujula phezu kwakho, lamanzi amanengi akusibekele ^au; 20 khona ngizakwehlisela phansi lalabo abehlela emgodini ^av, ebantwini basendulo ^aw, ngikuhlalise ezindaweni eziphansi zomhlaba ^ax, emanxiweni asendulo ^ay, lalabo abehlela emgodini, ukuze ungahlalwa ^az; njalo ngizabeka udumo elizweni labaphilayo ^ba. 21 Ngizakwenza ube ngokwesabekayo okukhulu ^bb, ungasabikho ^bc; lanxa udingwa ^bd, ungatholakali futhi kuze kube nininini, itsho iNkosi uJehova ^{be
,} ^bf.